دا سړک چې د کابل په لودیځ کې نښلونکی سړک ګڼل کیږي، په وروستیو چې له ځنډ وروسته د کابل ښاروالۍ د کار،ساتنې او مراقبت ریاست د جدي پاملرنې له مخې د ۱۰۸۰ مترو په اوږدوالي او ۶۰ مترو پراخوالي په څلورو لیکو کې د اوبو لښتیو،استنادي دیوالونو، پلو لارو، ګلدانونو، تنویر او د یوه معیاري سړک د ټولو جزئیاتو په ګډون بشپړ او ګټې اخیستنې ته وړاندې شو. یاد سړک د کابل په لودیځ کې یو له مهمو او بنسټیزو سړکونو شمیرل کیږي چې خاص موقعیت ته کتو له ډیر اقتصادي ارزښت برخمن دی او په جوړیدو سره به یې د ښاري ستونزو د حل سربیره یو شمیر سیمې یو له بل سره ونښلوي او ورسره به ډیری اقتصادي او چاپیریالي اسانتیاوې رامنځته شي.
