له سنګ تراشۍ،میوند واټ تر حضوري چمن پورې سیمې له ښاري بې نظمیو پاکې شوې او په یادو سیمو کې د نظم راوستل لومړیتوب دی. یادې سیمې له لیلام او فرش پلورونکو پاکې شوې او دغه راز د لیلام پلورونکو یو شمیر مالونه ظبط شول. په همدې لړ کې په پلو لارو او د هټیو مخې ته ناقانونه رغونو ته رسیدنه وشوه او دوی د سنګ تراشۍ په سیمه کې په یوه ردیف کې ځای پرځای شول. په دې عملیاتو کې پولیسو او ترافیکو هم همکاري درلوده او هغه موټر چې په خپل سر هرځای تم کیدل جریمه شول او سرغړونکي په ټولیزه توګه ۱۶۹۰۰ افغانۍ جریمه شول. کابل ښاروالي ژمنتیا لري څو د یو لړ حمایوي او تقویتي پروګرامونو له لارې د ښار په بیلابیلو سیمو کې بې نظمۍ کمې کړي. په دې برخه کې د ټولو ښاریانو همغږي او همکاري اړینه ګڼل کیږي.
