د کابل ښاروالۍ لپاره د ا.ا.ا د کمیسون مشر مولوي لطف الله نعماني د وږي میاشتې په ۲۰ نېټه شنبه ورځ د کابل ښاروالۍ له یو شمیر مراجعینو سره د دوی ستونزو ته د رسیدو په موخه وکتل او له دوی سره یې ژمنه وکړه چې اړینې حل لارې به ورته ولټوي. ښاغلي نعماني ښاري ستونزې لکه د ودانیزو جوازونو پړاونه،ودانیزې سرغړونې،خام سړکونه او لسکونه نور موارد وڅیړل او ستونزو ته د رسیدو په موخه یې اړوند ادارو ته ځانګړې لارښونې وکړې او زیاته یې کړه چې د مسئولانو کم کارۍ ده او ښاریانو ته د منلو نه دي. یو شمیر هغه ښاریانو چې له ښاغلي نعماني سره یې په خپل دفتر کې وکتل، د ښاروالۍ له کارونو هرکلی وکړ او ویې ویل چې د ښاریانو ستونزو ته په رسیدو سره به د ملت او دولت ترمنځ اړیکې پیاوړې شي. یاد ښاریان وايي…
