موږ خپل پروګرامونه لومړیتوب ته په کتو د خلکو له طرحو سره سم پلي کوو د ښاري ستونزو ښه پیژندلو او همغږۍ په موخه د کابل ښاروالۍ د کمیسیون رئیس مولوي حمدالله نعماني په داسې حال کې چې کابل ښاروال محمد داود سلطانزوی هم شته وو،د ۲۲ ګونو ناحیو د ګذر وکیلانو شورا له رئیسانو سره مشتورتي ناسته ترسره کړه. په ناسته کې ګذر وکیلانو هم په خپلو ناحیو کې شته ښاري او چاپیریالي ستونزې،د غصب قضیې او د خامو سړکونو ستونزې له مسئولانو سره شریکې کړ او هیله یې وښوده چې په دې برخه کې پیل شوې پروژې باید بشپړې شي. د کابل ښاروالۍ د کمیسیون رئیس تر ستونزو او وړاندیزونو اوریدو وروسته ډاډ ورکړ چې د دوی له غوره نظریاتو او وړاندیزونو د پروګرامونو په پلي کیدو کې کار اخلي او خپل پروګرامونه د خلکو له طرحو سره برابر پلي کړي. نوموړي زیاته کړه چې برابرې پراختیا ته په کتو به تر لومړیتوب پیژندلو وروسته د خلکو د ستونزو هواري او له ودانیزو سرغړونو د مخنیوي په برخه کې د قانون د تطبیق په موخه لاس په کار شي. په پای کې ګذر وکیلانو د کابل ښاروالۍ له پروګرامونو ملاتړ څرګند کړ او هیله یې وښوده چې د پروګرامونو په پلي کیدو کې به هر راز مرسته کوي.
