د کابل ښاروالۍ د کمیسیون مشر مولوي حمدالله نعماني له یو شمیر کسب کارانو او هټیوالو سره د دوی ستونزو ته د رسیدو په موخه ولیدل. ښاغلي نعماني له کسب کارانو او هټیوالو په خپلو خبرو کې په ښاري نظم، د کارخانو په تنظیم،د سوداګریزو مارکیټونو په ډاډمنتوب، چاپیریالي روغتیا، د بازارانو د ودې په برخه کې خپل پروګرامونه او پلانونه روښانه کړل او له دوی یې وغوښتل څو ښاري اصول ا مقرارات په نظر کې ونیسي او فعالیتونه یې له فعالیتونو سره برابر تنظیم کړي. ورته مهال کسب کارانو او هټیوالو له دوی وغوښتل څو په کابل ښار کې د متشبیثینو په برخه کې په ځانګړې توګه د لوړو کرایو په برخه کې د دوی شته ستونزې وڅیړي او په دې برخه کې اړوند بنسټونو ته ځانګړې لارښونې وکړي. د کابل ښاروالۍ رهبرۍ د دوی د ستونزو په حل کې د هر راز مرستې ژمنه وکړه چې ستونزو ته به یې اړینې حل لارې چارې ولټوي او عملي کړي.
