ديد کابل ښاروالۍ مسئولانو په سوداګریزو او استوګنیزو ودانیو او ځایونو کې د دود فلتر له نصب څارنې او پلټنې پیل کړې دي، چې دا چاره د هوا له ککړتیا څخه د مخنیوي په برخه کې ښه ګام بلل کیږي. د قانون او ښاري اصولو له مخې په ښارګوټو او لوړ پوړیزو ودانیو کې د دود تسخین په سیسټم کې د فلترونو له نصب څارنه کیږي. په دې کار سره د ښارګوټو او لوړپوړیزو ودانیو مالکان پوهول کیږي، څو په خپلو اړوند ملکیتونو کې د دود لپاره فلتر نصب کړي، له دې پرته له سرغړونکو سره جدي قانوني چلند کیږي. د دې سربیره به د کابل ښاروالۍ څارنیز ټیمونه، په حمامونو،سوناګانو، د لامبو وهلو حوضونو او نورو هغه ځایونو کې چې دود تولیدوي او چاپیریال ته زیان رسوي، خپلې څارنې او پلټنې وغځوي
