د ښاري ترافیکو د نظم په اړوند د کابل ښاروال مولوي عبدالرشید په مشرۍ د کابل ترافیکو د مسئولانو په ګډون د همغږۍ غونډه ترسره شوه په غونډه کې د دندو او واکونو په اړه خبرې اترې وشوې او د ګڼې ګوڼې د کموالي، ترافیکي قوانینو په پام کې نیولو، د لاسي توکو پلورنکو د فعالیت د تنظیم، په څلورلارو کې د ترافیکي سیګنالونو مجهز کولو، له سړکونو او پلو لارو د خنډونو لرې کولو، د واټونو تنظیم، د موټر د ملکیت سند او موټر چلولو جواز، له غیر قانوني پیسو څخه د مخنیوي، د واټونو یو طرفه کولو او یو شمیر نورو موضوعاتو بحث وشو او لازمې پریکړې ترسره شوې. کابل ښاروال ټینګار وکړ، چې له بې مسئولیته کسانو سره وخت نه ضایع کوو او د ښاري نظم په اړوند پریکنده پریکړې ترسره او پلې کړو
