کابل ښاروال مولوي عبدالرشید په کابل کې د یونپس دفتر له نوي رئیس جورج او پخواني رئیس پاول کروک سنک سره د دوه اړخیزو همکاریو د پراختیا او د عمراني پروژو د تطبیق په اړه بحث او خبرې اترې وکړې. په یاده لیدنه کې کابل ښاروال د یونپس دفتر له پخوانیو همکاریو مننه وکړه او زیاته یې کړه چې موږ هیله لرو یونپس دفتر د پخوا په څیر په تخنیکي او مالي برخه کې له کابل ښاروالۍ د یوه همکار دفتر په توګه پاتې شي. نوموړي زیاته کړه چې د کابل ښار په پراختیا او رغونه کې د ملګرو ملتونو ملاتړ د ارزښت وړ او ګټور دی. ورته مهال د یونپس دفتر رئیس د همکاریو د داوم ډاډ ورکړ او زیاته یې کړه چې، دوی به د کابل ښار د پراختیا او سوکالۍ په برخه کې د تل په څیر خپله ونډه ادا کړي. نوموړي وویل چې په پراختیايي او د آبادۍ اړوند چارو کې نړیوالې همکارۍ اړینې دي
