د کابل ښاروالۍ د کار، ساتنې او مراقبت ریاست له لوري، د ښاریانو د چاپیریالي ستونزو درکولو له مخې له څه مودې راپدیخوا د دولسمې ناحیې اړوند د امنیت پروژې د څلورم او پنځم فرعي سړک په جوړولو د ۹۶۰ مترو په اوږدالي او ۸ متره پراخوالي کار پیل شوی دی او تر اوسه یې تر ۵۰ سلنه چارې بشپړې شوې دي. ټاکل شوې ده یاد سړکونه تر ۱۵ راتلونکو ورځو پورې جوړ او ګټې اخیستنې ته وړاندې شي، چې ورسره به د سیمې د نښلیدو سربیره، په ژمي کې د خلکو د تګ راتګ ستونزې حل او ورسره به یو شمیر اقتصادي او چاپیریالي آسانتیاوې رامنځته شي.
