د ګڼېګوڼې د کمښت او ښاري سړکونو د شبکې د رامنځته کولو په موخه له خيرخانې کوتل څخه تر بادام باغ پورې (د سرای شمالي د غونډۍ) د نښلوونکي سړک چارې بشپړې شوې دي او یوازې د پلو لارو د جوړیدو کارونه یې روان دي. یاد سړک به د ۱۲۰۰ متره په اوږدوالي او ۸.۶ متره پلنوالي په لرلو سره چې ویالې هم پکې شاملې دي ډير ژر به بشپړ او ګټې اخیستنې ته وړاندې شي. دا نښلوونکی سړک د خيرخانې کوتل له بادام باغ سيمې سره د سرای شمالي د غونډۍ له لارې نښلوي چې د سرای شمالي سيمې د ګڼې ګوڼې د کمښت لپاره به خورا ګټور تمام شي.
