د کابل ښاروالۍ تنظیفي پرسونل، په دې ورځو کې د یو شمیر بې پروا او ناغیړه ښاریانو له لوري د اوبو په ویالو کې د کثافاتو غورځولو له امله د یادو ویالو په پاکولو بوخت دي. د ځمکې د سر اوبو د مدیریت په موخه، د وزیر اباد کانال په پاکولو چې یو شمیر ښاریانو پرې په بیلابیلو بهانو او ناقانونه توګه پلونه او نور تاسیسات جوړ کړي دي او د دوی دا کار د یاد کانال د بندیدو سبب ګرځيدلي دي، د څلورمې ناحیې د مسئولانو له لوري ورته رسیدنه کیږي او د یاد کانال په پاکولو کار روان دی. د کابل ښاروالۍ زیارکښ پرسونلو د کابل ښار د ډیر شمیر مسیرونو د اوبو ویالې او کانالونه له کثافاتو پاک کړي دي او لا هم د یو شمیر نورو په پاکولو کار روان دی. د ځمکې د سر اوبو د مدیریت په موخه د کابل ښاروالۍ په پلان کې د ۵۰۰ کیلو مترو په اوږدوالي د کانالونو پاکول شامل دي ، چې په وروستیو کې د ۲۰۰ کیلو مترو په اوږدوالي یې له کثافاتو پاک شوي او په نورو کار روان دی
