د نولسمې ناحیې مسئولانو د لیندۍ میاشتې په ۲۰ نېټه د کابل- جلال اباد په سړک د بیلابیلو صنفونو له فعالیتونو او د عوایدو له څرنګوالي څارنه وکړه. هټیوالو چې صنفي جواز یې نه درلود، صنفي جوازونه ورکړل شول او د یو شمیر سرغړونکو فعالیتونه بند شول. دغه راز یو شمیر خنډونه چې د پلو لارو او سړکونو د بندیدو سبب ګرځیدلي وو پاک شول او هغه فعالیت کوونکو ته چې سرغړونه یې درلوده، جدي سپارښتنه وشوه څو د کابل ښاروالۍ ښاري او صنفي اصول په پام کې ونیسي. د کابل ښاروالۍ عواید د یادې لویې خدماتي ادارې د چلښت لویه سرچینه ده، ټول حکمي او حقیقي اشخاص یې باید په ورکړه کې ناغیړي ونه کړي او له بل لوري د خپل ژوندانه په شاوخوا سیمه کې باید ښاري اصول په جدي توګه په پام کې ونیسي.
