کابل ښاروال مولوي عبدالرشید د قانون د تطبیق او ښاري سرغړونو ته د رسیدو په برخه کې د ترسره شوو کړنو ګټور بللو سربیره، په دې برخه کې د مسئولانو ترمنځ پر همغږۍ، له ناقانونه رغونو څخه په جدي توګه د مخنیوي او نوو لارو چارو موندلو په برخه کې ټنیګار وکړ او زیاته یې کړه چې په دې برخه کې تر پخوا باید ډیر کار وشي څو کابل ښار د بشپړ ښاري نظم څښتن شي. نوموړي وویل چې په لومړي قدم کې دې خپلسرې ودانۍ او ناقانونه رغونې ودرول شي او له قانون ماتوونکو سره باید جدي قانوني چلند وشي.
