کابل ښاروال مولوي عبدالرشید د بازارونو له وضعیت څخه د څارنې پر مهال وویل چې، د کابل ښار اوسنۍ وضعیت ښاریانو او مسئولانو ته د منلو نه دی او په دې برخه کې باید تر پخوا ډیرې هڅې وشي. نوموړي وویل چې د مسئولانو له مسئولیت منلو سربیره اړینه ده ټول ښاریان د خپل ژوند چاپیریال ته پام وکړي. کابل ښاروال د ښاري نظم عملیاتو په اړه مسئولانو ته لارښونې وکړي، څو د ښار ګڼه ګوڼه لرونکې سیمې له بې نظیمو پاکې شي او ټولو ښاریانو ته ښاري آسانتیاوې رامنځته شي.