کابل ښاروال مولوي عبدالرشید د شپږمې ناحیې له یو شمیر اوسیدونکو او مسئولان سره په لیدنه کې پر مسئولانو ټینګار وکړ څو د یادې ناحیې غیر پلاني سیمې په پلاني سیمو بدلې کړي. نوموړي دغه راز د یادې ناحیې لپاره د ځمکو د بیا پراختیا پلانونه و ارزول. کابل ښاروال مسئولانو ته لارښونه وکړه څو له ښاري معیارونو سره برابر د ځمکو په استملاک کې له معاصرو لارو چارو ګټه واخلي او په پلاني د غیر پلاني سیمو بدلولو په طرحو عملي کارونه پيل کړي. نوموړي دغه راز په یاده ناحیه کې د غوره پلانونو په وړاندې کولو، د کثافاتو د مدیریت، د ځمکو پر بیا پراختیا، له غصب څخه د مخنیوي، ښاري نظم او یو شمیر نورو برخو په اړه هم پر مسئولانو ټینګار وکړ.
