د کابل ښاروالۍ د چاپیریال ساتنې فني اومسلکي د مسئولانو دکابل ښار په یو شمیر برخو کې له لوړپوړیزو ودانیو څارنه وکړه او په هغه کې یې د مرکز ګرمۍ لپاره د دود له فلټرونو لیدنه وکړه. د څارنو په لړ کې دشمشاد خصوصي ټلويزون ودانۍ، او دجنت ګل زاده معالجوي روغتون کې د تودوخې په موخه د مرکز ګرمۍ سیسټم لپاره د دود فلټرونو معیارتوب و اروزل شو او معلومه شوه چې ودانۍ ضعیف فلټر لري او ترڅنګ یې یو شمېر تخنیکي ستونزې هم لرلې. دکابل ښاروالۍ دچاپیریال ساتنې مسؤلانو دیادو ودانیو مالکانو ته دهوا دککړتیا او په ښارکې دلوګیو دمخنیوي په موخه یو شمیر سپارښتنې وکړې، څو په ښارکې ککړه هوا احساس نه شي. د کابل ښاروالۍ مسئولان به دا څارنې په دوامداره توګه ترسره کړي او له سرغړونکو سره قانوني چلند کیږي.