کابل ښاروال مولوظی عبدالرشید په پلاني د غیر پلاني سیمو بدلولو په اړه، ښاري پراختیايي پلانونه په ځانګړې توګه د ځمکو بیا پراختیا پلانونه و ارزول او زیاته یې کړه چې د ا.ا.ا د کابینې تر پریکړې وروسته به پلي شي. د کابل ښاروالۍ د دې برخې متخصیصینو په دې اړه زیاته کړه چې د ښاري معیارونو سره برابر دا اداره ژمنتیا لري څو د ځمکو د استملاک پر ځای له نویو او معاصرو لارو چارو ګټه واخلي او په ښاري پلانونو کې یې وکاروي. د ځمکو د استملاک او بیا پراختیا طریقه کولای شي د استملاک پر ځای وکارول شي. د کابل ښاروالۍ د بیارغونې ریاست کار کونکو د جاپان هیواد د (JIKA) دفتر په تخنیکي مرسته یاده طریقه په تخنیکي او فني توګه زده کړې ده، څو غیر پلاني سیمې ماسټر پلان ته دننه کړي او له لارې یې د کابل ښاروالۍ پروژې پلې کړي، چې اوس مهال له یادې طریقې په ګټې اخیستنې د ۸۹۰۰ متر مربع په اوږدوالي د پنځه سوه فامیلو د ودانۍ چارې د رغونې په حال کې دي او دوه نورو ودانیو چارې به هم چې ( استوګنیز اپارتمانونه) د ماشومانو لپاره د ساتیرۍ ځای او پارکینګ په ګډون په بر کې نیسي ډیر ژر پیل شي.