د پنځلسمې ناحیې د مسئولانو له لوري د پنځه سوه فامیلو په څلورلارې کې د ۸ سیمو لیني موټر تنظیم او ثابت ځای ورته وټاکل شو. یاده سیمه چې مخکې د یو شمیر غاصبانو له لوري غصب شوې وه او پخپل سر یې پکې غرفې جوړې کړې وي، له پاکولو او آزادوالو وروسته د لیني موټرو لپاره چې د هرې سیمې موټر به ځانګړې د لارښونې لوحه هم لري، د ثابت ځای په توګه وټاکل شوه. له دې مخکې د پسته کچالو، هوايي ډګر، د کوتل سر، لیسه مریم، ده افغانانو، کور جوړولو قصبې، دیسپیچرۍ، سرای شمالي او نورو ځایونو موټر په نامنظمه توګه په یاده سیمه کې فعالیت کوي، چې د ګڼې ګوڼې، بې نظمۍ او د وخت د ضایع کیدو سبب ګرځیدل او د پنځه سوه فامیلو په څلورلارې کې یې د خلکو لپاره ستونزې را ولاړې کړې وې.