د چارو د ښه سمون او پرمختګ په موخه د کابل ښاروالۍ اداري غونډه د کابل ښاروال مولوي عبدالرشید تر مشرۍ لاندې د ناحیو د رئیسانو په ګډون ترسره شوه. په یاده غونډه کې د ښاري مدیریت، ښاري نظم، د عوایدو راټولولو او نورو ګټورو موضوعاتو بحث او خبرې وشوې. کابل ښاروال په خپلو خبرو کې وویل چې له قانون له کړنلارو سره برابر باید چارې په چټکه توګه ترسره شي او د کابل ښاروالۍ ټولې څانګې مکلفې دي څو، له یو بل سره په همغږۍ د خپل مدیریت کمزوري ټکي په ګوته او تر پیژندلو وروسته ورته وړ حل لارې ولټوي، څو له امله له مسئولانو څخه د ښاریانو رضایت ترلاسه شي.