د ښاري ستونزو پیژندلو او حل لارو موندلو په موخه، کابل ښاروال مولوي عبدالرشید له څلورمې، یولسمې او پنځلسمې ناحیې لیدنه وکړه او د وضعیت غوره کیدو او خدمتونو وړاندې کولو په برخه کې یې اړوند مسئولانو ته ځانکړې لارښونې وکړې. کابل ښاروال له ښاري سیمو د غوره ګټې اخیستنې، له ښاري سرغړونو د مخنیوي، زرغونتیا او تنظیفي خدمتونو، له ملکیتونو د غوره ګټې اخیستنې، عوایدو راټولولو او نور برخو یادونه وکړه او په وینا یې په اړوند به یې اړین اقدامات ترسره شي.