د کابل ښاروالۍ د ګذر وکالت ټاکنو د نوې مقررې له مخې د څلورمی ناحیې د نهم ګذر لپاره د وکالت ټاکنې ترسره شوې، چې په پایله کې یې ښاغلی سید مجتبی هاشمی وتوانید د سیمې د خلکو د 375 رایو په ترلاسه کولو سره د یاد ګذر د وکالت څوکۍ د دریو کلونو لپاره خپله کړي. کابل ښاروالي لومړی په هغه ناحیو کې چې د ګذر وکیل یې مړ وي، خلک ترې شکایت لري او یا یې له دندې استعفا ورکړې وي ټاکنې ترسره کوي او وروسته یاده لړۍ ټولو ناحیو ته غځوي.