د کابل ښاروالۍ د ښاري نظم کمیټې د ۱۱مې ناحیې له افسوتر تر سرای شمالي سیمې پورې د لاسي توکو پلورونکو د مصئون فعالیت طرحې تطبیق د نه خوځیدونکو کراچیو په ایښودو پیل کړ. هغه ۸۵ ناقانونه پلورونکو چې په سرای شمالي چوک کې فعالیت کوي او د پلو لارو او سړکونو بندیدو سبب ګرځیدلي ژمنه وکړه چې له نوي ډیزاین سره سم به فعالیت پیل کوي او خپل فعالیتونه به منظم کوي. دا پلان د ښاري نظم د وضعیت د ښه والي په موخه د ښاري نظم د کمیټې لخوا په ازمایښتي توګه په لاره اچول شوی دي. د یادونې وړ ده چې کراچۍ د لاسي توکو پلورونکو په خپل لګښت جوړیږي او کابل ښاروالي یوازې دوی ته ډیزاین وړاندې کوي، څو له یوه لوري د دوی فعالیتونه په منظمه توګه ترسره شي او له بل لوري ښاري نظم، تلپاتې پراختیا او ښکلا ته زمینه برابره شي.