د کابل ښاروالۍ د کار، ساتنې او څارنې ریاست د شپږمې ناحیې په مربوطاتو کې د بندو سړکونو ،پیاده لارو کانکریټي خنډونو چې ښاریانو ته یې ستونزي جوړي کړي وې، د راټولولو او لرې کولو کار روان دی. دغه راز دکابل ښاروالۍ مسؤلینو په بېلابېلو سیمو کې د غځیدلو لارو پر سر پراته کانګريټي خنډونه( موانع) چې له امله یې ښاریان له ګڼو ستونزي سره لاس اوګرېوان وه، دانتقال لپاره بشپره عملیات پیل کړی دی. په دې وروستيو کې د پاسپورټ رياست ته غځېدلې لاره له خنډونو پاکه شوې او عامو خلکو ته د تګ راتګ زمينه برابره شوې او په اړوندو سيمو کې د ترافيکو بهير بېرته عادي اوګړندی شوى او په راتلونکو ورځو کې به دا لړۍ په نورو سيمو کې هم دوام وکړي.