کابل ښاروال مولوي عبدالرشید د پشتني بانک د عامل پلاوي له رئیس حافظ غلام اسحق سره، د کابل ښاروالۍ او پښتني بانک ترمنځ د اړیکو پیاوړي کولو او د راکړې ورکړې په برخه کې د آسانتیاو رامنځته کیدو په موخه وکتل. د پښتني بانک رئیس کابل ښاروالۍ ته د معیاري خدمتونو وړاندې کولو په برخه کې د آسانتیاو رامنځته کولو ډاډ څرګند کړ او دواړو لورو د مسئولانو ترمنځ یې پر همغږۍ ټنیګار وکړ. ورته مهال کابل ښاروال د پښتني بانک له فعالیتونو ستاینه وکړه او د کابل ښاروالۍ د کارکوونکو د معاشونو د اجرا او تعرفو په برخه کې یې د پښتني بانک له رئیس سره یو شمیر وړاندیزونه او نظرونه شریک کړل. په یاده لیدنه کې دغه راز د کابل ښاروالۍ له لوري د پښتني بانک اړوند هیټیو د مهرولاک کیدو، پښتني بانک ته د مخامخ سیمې د چاپیریالي حالت ارزونې او د بانکي سیسټم په یو شمیر ستونزو هم بحث او خبرې وشوې او اړینې پریکړې ترسره شوې.