کابل ښاروال مولوي عبدالرشید د افغانستان د کرکټ بورډ له استازو هر یو د انجنیري څانګې مسئول انجنیر صدیق الله احمدزي او حقوقي مشاور محمد همایون شهاب سره د کابل ښار په شپاړلسمه ناحیه الوخیلو سیمه کې د کرکټ لوبغالي د جوړیدو پر استملاکي ستونزو خبرې وکړې، چې تر حل کیدو وروسته به یې عملي چارې پیل شي. کابل ښاروال د یاد لوبغالي د استملاکي چارو د حل کیدو ډاډ څرګند کړ او ویې ویل چې یاده سیمه له ترافیکي ګڼې ګوڼې خالي ده او لوبغالي لپاره یې وړ سیمه وبلله. د یادې لویې پروژې په بشپړیدو سره به ډیر شمیر سپورټي، ټولنیزې او سوداګریزې آسانتیاوې رامنځته شي.