د غصب د ځمکو بیرته راګرځولو په لړ کې د شپاړلسمې ناحیې اړوند په الوخیلو سیمه کې د ۱۶۵ جریبه هغه ځمکې له غصب چې یو فرصت غوښتونکي هلته زرګونو نیالګیو کینولو په بهانه غصب کړې وه، مخنیوی وشو. یاده ځمکه مخکې له ناقانونه تاسیساتو پاکه شوې وه او اوس مهال د یادې ناحیې د مسئولانو ترڅارنې لاندې ده او نه پریږدي له دې وروسته څوک له یادې ځمکې ناسمه ګته پورته کړي. د غاصب شخص نیالګي غصب شول او د زرغونتیا ریاست له لوري به په وړ سیمو کې کینول شي.