کابل ښاروال مولوي عبدالرشید، په یوه لویه تفریحي او سوداګریزه سیمه د نوي ښار پارک اقتصادي طرحه چې د یوه داخلي خصوصي شرکت له لوري وړاندې شوې وه و ارزول شوه. په دې طرحه کې د یوه جومات، فرهنګي مرکز، مجهز معیاري رسټورانت، دښځو لپاره ځانګړی سوداګریز مارکیټ، دماشومانو لپاره تفریحي ځای، دلامبو وهلو حوض، سپورټي لوبغالی، د روښنایی څراغونه، د تلیغاتي بلبورډونو دنصب ځای، دوسایطو پارکینګ،ښاري تشنابونه، د فاتحې لوستلو سالون، او د زرغونې سیمې پراختیا برخې شاملې دي. کابل ښاروالي له یادې طرحې د هرکلي ترڅنګ په دې برخه کې یو ش میر وړاندیزونه او نظرونه هم ور ډیروي، چې له ارزیابۍ وروسته به یې په اړه پریکړه وشي. د نوي ښار پارک ۹۲۳۴۸ متر مربع پراخوالی لري او د کابل ښار په مرکزي برخه کې موقعیت لري، چې دښکلا او سمسورتیا لپاره یې کابل ښاروالي هڅې کوي، څو دا پارک په یوه غوره ډاډمنه تفریحي سیمه بدله شي، خو د مالي سرچینو له امله یې تر اوسه عملي کارونه نه دي پیل شوي.