د زرغون او سمسور کابل په هیله د زرغون افغانستان بنسټ له لوري څلور زره نیالګي د کابل ښاروالۍ د زرغونتیا ریاست له لوري د کابل ښاروالۍ د ټولنیزو او کلتوري چارو د مرستیال مولوي حبیب الرحمن منصور او د یاد بنسټ د غړو په ګډون د شپږمې ناحیې اړوند د پل سوخته دارالامان سړک په ګلدانونو کې کینول شول. د کابل ښاروالۍ رهبري د یاد بنسټ له دې نیک اقدام او ښاري احساس څخه مننه او ستاینه کوي. اړینه ده ټول ښاریان په ځانګړې توګه دولتي او خصوصي بنسټونه د ملي او دیني دندې له مخې د ښار په سمسورتیا او زرغونتیا کې برخه واخلي. د یادونې وړ ده چې یاد بنسټ د نیالګیو د خړوب په موخه د پل سوخته دارالامان سړک په ګلدان کې د ۱۰۲ مترو په ژوروالي یوه ژوره څاه هم کیندلې ده.