د کابل ښاروالۍ د کلتوري چارو ریاست له لوري د ښاري ښکلا رامنځته کولو په لړ کې، په هوايي ډګر او ترافیکو څلورلارې کې د ښکلا دوه منظرې نندارې ته وړاندې شوې. د کابل ښاروالۍ د کلتوري چارو رئیس مولوي ولي ګل جواد وویل چې د ښکلا له دې بڼو یې موخه ښاري ښکلا او د ښار په بڼه کې د بدلون راوستل دي او ښایسته او ښکلی ښار ښاریانو ته هیله بښونکی حس ور وبښي. د ښکلا په دې بڼو کې داسې منظرې دي چې غوره ښاري فرهنګ او ښاریانو ته د آسانتیاو رامنځته کولو ښکارندويي کوي. ښاغلي جواد هیله څرګنده کړه چې ښاریان به له دې منظرو او بڼو په ښه توګه ساتنه وکړي.