د کابل ښاروالۍ د ترافیکو د همغږۍ، د مارکیټونو د تنظیم او ناحیو ریاستونو له لوري د ښاري نظم غوره کیدو په موخه د نه خوځیدونکو غرفو ویش دوام لري. په وروستیو کې یادې کراچۍ د دریمې ناحیې اړوند په میرویس میدان سیمه کې لاسي توکو پلورونکو ته یادې غرفې وویشل شوې. کراچۍ د لاسي توکو پلورونکو په خپل لګښت جوړیږي او کابل ښاروالۍ ورته یوازې یو ډول ډیزاین وړاندې کوي، څو له یوه لوري د دوی فعالیتونه په خوندي توګه ترسره شي او له بل لوري په دې توګه غوره ښاري نظم او ښکلا ته زمینه برابره شي. د نه خوځیدونکو غرفو فعالیت کوونکو ته به ډیر ژر د ښاري اصولو او ځانګړې کړنلارې له مخې کرایه وټاکل شي، څو ټول د ښار پر وړاندې مسئولیت منونکي و اوسو.