د غوره فضا او زرغونتیا رامنځته کولو په موخه د نولسمې ناحیې د څرخي پله د فامیلیو په سیمه کې د یادې ناحیې د اوسیدونکو او مسئولانو په ګډون سلګونه نیالګي کینول شول. د یادې سیمې اوسیدونکو له کابل ښاروالۍ سره ژمنه وکړه چې د نیالګیو په ساتنه او پالنه کې به له کابل ښاروالۍ سره همکاري کوي. د نیالګیو کینول د ټولو انساني دنده ده چې د هوا د ککړتیا په راکمولو کې ګټوره تمامیږي او اړینه ده ټول ښاریان په دې برخه کې خپله دیني او اخلاقي دنده ادا کړي. د یادونې وړ ده چې د نیالګیو کینولو پرمهال د نولسمې ناحیې یو شمیر زیارکښ خدماتي پرسونل د په معنوي او مادي ډالیو ونازول شول، څو له دې ډیر د ښار په زرغونتیا او ښکلا کې برخه واخلي.