د کابل ښاروالۍ د چاپېریالي روغتیا او چاپیریال ساتنې ریاست د پلټنو په ترڅ کې ۳۵۴۲۰ کیلو ګرامه تېر وخته او بې کیفیته خوراکي توکي، روغتیايي مواد او مشروبات راټول او د ټاکل شوي هیئت په شتون کې د ښاره دباندې ولیږدول او لمنځه یوړل شول. د کابل ښاروالۍ د چاپیریالي روغتیا او چاپیریال ساتنې ریاست مسئولانو وویل چې له معیارونو سره سم به د ښاریانو د روغتیا ساتلو په موخه خپلو چاپیریالي څارنو ته دوام ورکړي. د یاد ریاست مسئولانو هیله څرګنده کړه چې ښاريان دې هم د توکو د پېرلو پر مهال د توکو نیټې او کیفیت ته پام وکړي.