دکابل ښاروالۍ دکلتوري چارو ریاست له لوري دعلم اوپوهي سمبولونه د پوهنې وزارت پر دیوال نصب شول. دعلم اوپوهي کلتوري خدمتونو د وړاندې کولو مراسم د دکابل ښاروالۍ کلتوري خدمتونو رئيس مولوي ولي ګل جواد او دیوه خیریه بنسټ مسؤل جنرال مبين له خوا پرانستل شول. دکابل ښاروالۍ دکلتوري چارو رئیس ولي ګل جواد وويل چې د دغو سمبولونو د لګولو موخه د علم او پوهې درناوى دی ،ښوونه اوروزنه د ټولنې روښانتیا او پرمختګ لامل ګرځي. د ښاري ښکلا په پروګرام کې د فرهنګي خدمتونو ریاست د ښکلا او ښه ښاري لید د رامنځته کولو په موخه د منظرو، ګلدانونو او کلتوري سمبولونو د جوړولو او نصبولو طرحه ډیزاین او نصبوي. په همدې حال کې جنرال مبین د ښار د ښکلا، او پاکوالي په برخه کې د کابل ښاروالۍ له کړنو خوښي څرګندلو په ترڅ کې د ښار د قوانینو او اصولو د تطبیق په برخه کې له کابل ښاروالۍ څخه خپل ملاتړ څرګند کړ.