د کابل ښاروالۍ د ټولنیزو او فرهنګي چارو مرستیال مولوي حبیب الرحمن منصور د دهبوري او علاءالدین څلورلارې ته څېرمه دوه ښکلې ښاري منظرې پرانېستلې. دغه سیمې چې د زړو معمارۍ په بڼه د ګلدانونو او فرهنګي سمبولونو په ګډون د کابل ښاروالۍ د فرهنګي چارو رياست له خوا ډيزاين او جوړ شوې ، دښار دښکلا په موخه رامنځته شوې. دیادو منظرو اوښلاګانو سره ښاریان کولای شي د دهبوري څلور لارې مخې ته د یادګار ی انځورونه واخلې. د ښار ښکلا کولای شي خلکو ته ښه او امید لرونکی احساس ورکړي او د ښاریانو په رواني لید کې مثبته اغیزه ولري. کابل ښاروالي په تېرو ورځو کې د پروان دو څلورلارې او ده افغانانو زیرمینۍ څلورلارې کې هم ورته ډول نوې منظرې پرانېستلې چې دغه پروګرام به د ښار بېلابېلو سیمو ته وغځول شي.