د پنځمې ناحیې مسئولانو د کابل ښاروالۍ تر استملاک لاندې هغه ځمکه چې مخکې پرې ۹ هټۍ په ناقانونه توګه جوړې شوې وې پاکه او هلته جوړ شوي تاسیسات یې ونړول. له سیمو او عام ملکیتونو ناسمه ګټه اخیستنه د کابل ښاروالۍ د مسئولانو تر څار لاندې ده چې له پیژندلو وروسته به بیرته آزادې شي. کابل ښاروالي په هغه سیمو کې چې تر استملاک لاندې دي خپل ښاري پراختیايي پلانونه پلي کوي او له بل لوري له ځمکو ناسمه ګټه اخیستنه په ځانګړې توګه له زرغونو سیمو لویه ښاري سرغړونه بلل کیږي.