د پنځمې ناحیې مسئولانو د ښاري نظم د راتګ په موخه په کمپنۍ بازار سیمه کې ښاري نظم وڅاره او هلته یې له پلو لارو او سړکونو لاسي توکي پلورنکي، سیارې کراچۍ او لیني موټر پاک کړل. د یادې سیمې د پاکولو په اړه له مخکې فعالیت کوونکو ته خبر ورکړل شوی وو، څو خپل فعالیتونه تنظیم کړي، له همدې امله په دې سیمه کې د ښاري نظم عملیات ترسره او ښاري سرغړونکي تادیب شول. کابل ښاروالۍ د ښاري سیمو د ساتنو لپاره بشپړ پلان لري، څو لاسي توکي پلورونکي د مصئون فعالیت په موخه په ځانګړو ځایونو کې تنظیم کړي او دوی ته غوره کاري سیمه زمینه برابره کړي. د کمپنۍ په سیمه کې د ښاري نظم راوستل د کابل ښاروالۍ لومړیتوب دی چې د بیلابیلو پروګرامونو له لارې به ورته رسیدنه وشي او له سرغړونکو سره به جدي قانوني چلند وشي.