د کابل ښاروالۍ د کار ساتنې او مراقبت ریاست له لوري د ۱۶۸۰۰ متر مربع په اوږدوالي د ختیځ زون د لیني موټرو هډې د جغل اچولو چارې پیل بشپړې شوې. په وروستیو کې د کابل ښاروالۍ د نولسمې ناحیې مسئولانو د آسانتیاو رامنځته کولو او له غصب څخه د مخنیوي په موخه د ختیځ زون د لیني موترو هډه مشخصه کړه. هغه موټر چې ختیځ زون ولایتونو ته سپرلی لیږدوي، یادې هډې ته به راټول او تنظیم شي، څو له یوه لوري هیوادوال وکولای شي په ارامه او مصئونه توګه سفر وکړي او له بله لوري خپل سفرونه له همدې ځایه تنظیم کړي.