د پنځمې ناحیې مسئولانو د خپلو ښاري څارنو په لړ کې په میرویس میدان او کمپنۍ سیمو کې له ښاري نظم څارنه وکړه او هلته یې یو ځل بیا ناقانونه غرفې، ګرځنده کراچۍ او لاسي توکي پلورونکي له سیمو پاک کړل. یو شمیر هغه اصنافو چې په پلو لارو کې یې خپل توکي ایښي وو، جریمه او تادیب شول. په وروستیو ۲۰ ورځو کې له کوټه سنګي، قمبر څلورلارې او کمپنۍ بازار سیمه کې د ښاري نظم عملیاتي پلان پلی شوی او له هرډول خنډونو پاکې شوې دي. کابل ښاروالي لاسي توکو پلورونکو ته تر ثبت او راجستر وروسته د فعالیت مصئون ځایونه ټاکي او له هغه چا سره چې د ښاري نظم د ګډوډیدو او ترافیکي ګڼې ګوڼې سبب ګرځي، جدي قانوني چلند کوي.