د لومړي ځل لپاره په آریانا سینما کې د نوي لید داستاني فلم جشنواره د لوړ پوړو دولتي چارواکو، هنرمندانو او هنر خوښونکو په ګډون ترسره شوه. د اسلامي امارت له بري را وروسته د افغانستان ملي راډیو ټلویزیون په هڅو او نوښت او د ایران هیواد د ( موج فلم) په اکاډمیکه مرسته، د کابل ښاروالۍ د کلتوري چارو ریاست او افغان فلم په تخنیکي مرسته اریانا سینما د نوي لید فلم په نندارې ته وړاندې کولو سره خپل فعالیت له سره پیل کړ. له دې وروسته په یاده سینما کې د یوه نوښت له لارې د تولنیزو، فرهنګي، دیني او د ارزښتونو د ساتلو، ملي یوالي او له فساد سره د مبارزې د موضوعاتو په اړه د فلم او هنر له لارې خلکو ته معلومات ورکولو کیږي.