د کابل ښاروالۍ د استازو په ګډون د توکو له لوړ پلورو او احتکار څخه د مخنیوي کمیسیون د کابل ښار په بازارنو کې له وړاندې شوې نرخنامې سره برابر د خوراکي توکو او ارتزاقي موادو له بیو څارنه وکړه. یاده نرخنامه د ښار او ناحیو په بازارونو کې ویشل کیږي او د نویو لارو چارو له لارې خوراکي توکي او ارتزاقي مواد کڼټرول او څارل کیږي، او له سرغړونکو سره جدي قانوني چلند کیږي. اړینه ده د خوراکي توکو او ارتزاقي موادو پلورونکي د پلور پر وخت له انصاف څخه کار واخلي، ځکه اوس مهال پر خوراکي توکو هیڅ محدودیت نشته او افغانۍ هم د بهرنیو اسعارو پر وړاندې ارزښت لوړ کړی دی. دا نرخنامه د کابل ښاروالۍ له لوري له اړوند ادارو سره په همغږۍ په اونۍ کې یو جوړ جوړه او ویشل کیږي، څو ښاریان د توکو له اصلي نرخونو خبر شي او کیفیت او قیمت ته یې پام وکړي.