د خیرخانې په لب جر څلورلارې کې په بنسټیزه توګه په شدت سره د یاد کانال د پاکولو چارې روانې دي او په همدې توګه به له پروان سه څخه تر هوایي ډګر څلورلارې پورې له کثافاتو پاک شي. د یو شمیر ښاریانو د ناغیړۍ او په هغه کې د کثافاتو اچولو له امله دغه کانال بند شوی وو، چې د بیرته خلاصولو او پاکولو په برخه کې یې د کابل ښاروالۍ ډیرې مالي او د ماشینرۍ سرچینې مصرف کیږي. په وروستیو کې له یاد کانال څخه لس زره متر مکعب کثافات راټول او لیږدول شوي دي.