د کابل ښاروالۍ د ټولنیزو او کلتوري چارو د مرستیال مولوي حبیب الرحمن منصور او د کابل ښاروالۍ د کلتوري چارو د رئیس قاري ولي ګل جواد له لوري د مکرویانو سیمې په عبدالحق څلورلارې کې د ښاري ښکلا یوه منظره نندارې ته وړاندې شوه.
په دې په دې منظره کې هغه ګلدانونه او د ښکلا سمبولونه شامل دي چې د کابل ښاروالۍ د فرهنګي چارو ریاست له لوري د ښاري ښکلا په موخه د رواني دید ښه کولو په موخه ډیزاین او جوړ شوي دي، ځکه ښاري ښکلا کولای شي خلکو ته ښه او هیله بښونکی احساس ورکړي. په وروستيو کې دکابل ښاروالۍ دفرهنګي چارو رياست له لوري دکابل ښار په بيلابيلو سيمو کې لس د ښکلا منظرې او سمبولونه نصب او پرانستل شوي دي او دا پروګرام به د ښار په بېلابېلو سیمو کې پلی شي. ښاریان باید د یادو منظرو او نښو په ساتنه کې له کابل ښاروالۍ سره همکاري وکړي.