د ترافیکي نظم د راوستو او له ښاري سیمو د سمې ګټې اخیستنې په موخه د پنځلسمې ناحیې اړوند د پنځه سوه فامیلو په څلورلارې کې په دوه نیم جریبه ځمکه کې د لیني موټرو د تم ځای چارې جوړولو چارې پیل شوې. یاده ځمکه مخکې غصب شوې وه او هلته ناقانونه تاسیسات جوړ شوي وو، چې تر آزادولو وروسته اوس هلته د لیني موټرو تم ځای او د لاسي توکو پلورونکو د فعالیت لپاره په نظر کې نیول شوی دی. د یاد تم ځای په جوړیدو سره به د پنځه سوه فامیلو سیمې ګڼه ګوڼه کمه شي او ورسره به د کابل ښاروالۍ په عوایدو کې ډیروالی راشي.