د کابل ښاروالۍ د ټولنیزو او فرهنګي چارو معین مولوي حبیب الرحمن منصور د کابل ژوبڼ تفریح ځای د مسئولانو وروستۍ کړنې او هلته د نندارچیانو لپاره شته آسانتیاوې او خدمتونه و ارزول. نوموړي ټینګار وکړ چې په دې تفریحي ځای کې باید ډیرې آسانتیاوې رامنځته شي او مسئولانو ته یې په دې برخه کې د ډیرو او ریښتینو هڅو سپارښتنه وکړه. ښاغلي منصور زیاته کړه چې په دې ځای کې باید د تفریح د فرهنګ او ټولنیزو او فرهنګي خدمتونو وړاندې کولو په برخه کې ډیرې هڅې او کار وشي، له مراجعینو سره د اخلاق په پام کې ونیول شي، غوره ټولنیز او تفریحي چاپیریال دې رامنځته شي او د اسلامي لارښوونو په پام کې نیولو ته دې جدي پاملرنه وشي.