د کابل ښاروالۍ د ټولنیزو او کلتوري مرستیال مولوي حبیب الرحمن منصور د خپرونو او عامه پوهاوي ریاست څخه د لیدنې پر مهال په کارونو کې په ریښتینولۍ ، امانتدارۍ او صداقت ټینګار وکړ. نوموړي د دې سربیره چې د خپرونو او عامه پوهاوي ریاست کارونه یې مثبت و ارزول، د یاد ریاست له کارکوونکو یې غوښتنه وکړه څو د هیواد ابادۍ او سوکالۍ لپاره سره یو لاس شي او تر پخوا ډیر د دې مظلوم ملت لپاره خدمت وکړي.