ښاغلی فضل عمر اجمل په لومړی بست کې د کابل ښاروالۍ د بشري سرچینو د نوي رئیس په توګه په دنده ګمارل شو او نن د کابل ښاروالۍ مقام د دفتر رئیس مولوي عبدالقدیر حقاني له لوري همکارانو ته ور وپیژندل شو. د کابل ښاروالۍ د دفتر رئیس وویل چې، د نوي رئیس په پیژندلو سره به اداري او تشکیلاتي برخه غښتلې شي او ټینګار یې وکړ چې د همکارۍ د پیاوړتیا په له روحیې سره دې ټول په ګده کار وکړي. ښاغلی اجمل په حقوقو او سیاسي علومو کې لوړې زده کړې لري او د دې سربیره په مدیریتي برخو کې لس کلنه تجربه لري، چې په وروستیو کې یې هم د کابل ښاروالۍ د دفتر رئیس د مرستیال په توګه دنده ترسره کوله.