د نوې مقررې له مخې د کابل ښاروالۍ د خلکو د همغږي چارو ریاست له لوري د ګذر وکالت د ټاکنو پر دوام د شپاړسمې ناحیې د ۲۳ ګذر لپاره ټاکنې ترسره شوې چې په پایله کې یې د ټاکل شوي هیات په شتون کې حاجي محمد اصیل د سیمې د خلکو د۴۸۲ رایو پر بنسټ د یاد ګذر لپاره د دریو کلونو مودې لپاره وکیل وټاکل شو. ګذر وکیل د ښاروالیو قانون د ۵۴ او د ګذر وکالت ټاکنو د نوې مقررې د ۱۳ مادې پر بنسټ د ورکړل شویو مسئولیتونو له مخې له کابل ښاروالۍ سره همکاري کوي. د ګذر وکالت ټاکنې لومړی په هغه ناحیو کې چې وکیل یې مړ وي، له دندې یې استعفا ورکړې وي او یا ترې د خلکو شکایت موجود وي، ټاکنې کوي او وروسته دا پروسه ټولو ناحیو ته غځوي.