کابل ښاروال مولوي عبدالرشید د ښاري ستونزو او اړتیاو پیژندلو په موخه د یادې ادارې له یو شمیر مراجعینو سره وکتل. نوموړي زیاته کړه چې د ښاریانو اړتیاو او غوښتنو ته په کتو د یادې ادارې مسئولان خدمت کولو ته چمتو دي او په دې برخه کې ورته د مسئولانو ناغیړي او وظیفوي غفلت د منلو وړ نه دی. کابل ښاروال دغه راز وویل چې د ښاریانو له غوره نظرونو او وړاندیزونو د پروګرامونو په پلي کولو کې کار اخلي، څو ورسره د خلکو ټولنیزې او چاپیریالي ستونزې حل شي. نوموړي دغه راز وویل چې ښاري ستونزې د ښاریانو په ګډون سره حل کیدی شي او اړینه ده ټول ښاریان د ښار پر وړاندې خپل فردي او ټولنیز مسئولیتونه په سمه توګه ادا کړي. کابل ښاروال وویل چې د خدمت کولو په برخه کې یې هڅې ریښتینې دي، څو په توګه د خلکو رضایت ترلاسه شي.