کابل ښاروال مولوي عبدالرشید، د غبرګولي په ۱۶ مه له غرمې وروسته په کابل کې د ترکیې هیواد له سفیر ښاغلي جیهاد ارګین آی سره په خپل کاري دفتر کې ولیدل. په دې لیدنه کې دواړو لورو، په تلپاتې دوستۍ ، د ترکیې په مرستو او په تنظیفي او زرغونتیا برخو کې د شته ستونزو پرحل بحث او خبرې وکړې. کابل ښاروال د نویو زیربناو جوړولو، ښاري مدیریت، غوره تنظیفي خدمتونو او زرغونتیا برخو کې د ترکیې له هیواد د مرستې غوښتنه وکړه. ورته مهال ښاغلی ارګین آی له کابل سره د ترکیې هیواد د دوامداره مرستو په اړه ډاډ ورکړ او هیله یې وښوده څو په راتلونکې کې د ترکیې او کابل ترمنځ اړیکې لا پیاوړې او غوره ښاري پروژې پلې شي. ترکیه د یوه اسلامي هیواد په توګه له کابل سره نیکې تاریخي، سیاسي، فرهنګي ، نظامي او اقتصادي اړیکې لري.