د ( AWA) خیریه بنسټ د کابل ښاروالۍ د زرغونتیا ریاست له ۱۱۰ تنو اړمنو کارکوونکو سره د یو شمیر لومړنیو خوراکي توکو لکه ( اوړو، وریجو، غوړیو، بورې، دال نخود او شوله یي وریجو مرسته وکړه. دیاد بنسټ مدیر محمد ناصر وویل چې یاده مرسته په آلمان کې د یوه افغان سوداګر او د AWA شرکت د مشر حاجي وحید احمدي له لوري د کابل ښاروالۍ د زرغونتیا ریاست له مسئولانو سره په همغږۍ د یاد ریاست له اړمنو کارکوونکو سره شوې ده او دا لړۍ به په راتلونکې کې هم دوام ولري. ورته مهال د کابل ښاروالۍ د ښاري خدمتونو مرستیال مولوی محمد خالد سجستاني د یاد بنسټ له مرستې په مننې وویل چې د زرغونتیا ریاست زیارکښه پرسونل په ډیرو کمو سرچینو او امکاناتو د ښار د ښکلا او سمسورتیا لپاره کوي او اړتیا ده څو له دې ډیر وستایل شي.